Mandroso ! mandrosoa ! de MYR

MANDROSO ! MANDROSOA !

Raha sendra ny mafy sy izay tsy zakan'ny saina, mandroso !

Misedra tokoa tsy mihemotra, mijoro mafy, mandrosoa !

Tsy afa-miverina, mitodiki'ivoho, mandroso !

Tsy maintsy mitraka miatrik'izay ho avy, mandrosoa !

Kivy ve ? Trotraka ve ? Mandroso !

Potraka ! Mianjera ! lavo ! Mitsangana, mandrosoa !

Miferin'aina sy miroroa saina, mandroso !

Mitady izay azo atolotr'ireto menaky ny aina, mandrosoa !

Lalan-tokana tsy maintsy diavina, mandroso !

Aina tokana enti-mihoatr'izato ezaka, mandrosoa !

Fo mahery tsy ankiato mitempo, mandroso !

Nahoana no hitaraina, na ovina tsy hiondrika, mandrosoa !

Herezo r'ilay Ahy, mandroso !

Tazano f'indro efa zavo-nisinda sy maraim-pijinjana, roso !

14/01/2011 de M Y R