Voahangy raraka, ka manao soa ny eo am-potony.

Na dia manarona akoho aza, raha mby amin'ny omen'Andriamanitra dia manana.

Ny saikitra aza manantena ho lahy, koa mainka fa ny lahy rahateo.

Toy ny lamba : raha tezitra, isikinana ; raha mandry, irakofana ; raha mandeha, itafiana.

Na mahay mandrasa aza ianao, ny hoditra tsy azo ampombaina ny atiny.

Toy ny rano am-pasika : atao tsy hisy, fa misy ihany.

Varotra amponga an-tanàna : sady mahare ny feony no mahalany ny vidiny.

Nahoana no atao terak'ombin'Ambohimahagaga, ka ny tsy mianaka indray no ampinonoina ?

Taloha ny varavarana no an-dahiny, fa ankehitriny no an-tsavily.

Ny saina toy ny havitra : koa raha tsotra loatra, tsy mitondra ; ary raha melo-doatra, mipaoka izay tsy hopaohina.

Ny trebitrebiky gny rano ka regniko, fa gny aomby nihanagn'alina tsy hitako.

Salasala toa zaza tsy an-tranon-dreny : tsy manoza tànana, zaza veta ; manoza tànana, mandany rano.

Lamban'Ikaladedaka : kirobo ravina, venty am-pantaka, roanambatry vita.

Anantsongan'Ilambo, poti-kenan'Ikalamanana : somin-dro fa tsy hita ventiny.

Mandrohy moka, mamatotra aloy : hary tongotra aman-tanana, kanefa tsy misy tena hodidiana.

Aza misomidika ambony toa menaka : fa ataovy latsaka anaty toa tsoka.

Aza manao masoandro ririnina, ka manjombona andro hihaonana ; fa aleo masoandro be lohantaona, ka tsy manam-pahasosorana.

Mahazaka tokana an-tanàna : sady henjanin'ny omby no sintonin'ny olona.

Aza manao tsitsik'ombin'Ibetsileo : ny ombin'Ikoto an'Ikoto ihany, ary ny ombin'ny olona an'Ikoto koa.

Vilanibe nantaoana : ka na dia vaky sy torotoro aza, aza arian-davitra loatra, fa namela soa ho anareo izy.

Mihazakazaka tsy mahafeno harona, tsy mahaleo ny miadana ambininy.

Lelafin-ko mandina tahaka ny trafony.

Matavy omby va, sa maranitra antsy, no mihomehy olona ?

Aza matahotra tanan-kiepaka ka manolotra ny vozon-kavesa-by.

Toy ny mason'ny mpandrary : mijery ny an-kazony, mandinika ny an-dalan-drambony.

Asa vadi-drano, tsy vita raha tsy ifanakonana.

Ny angady no asesiky ny zarany, ny rano atosiky ny vato, fa ny olombelona entanin'ny fahendreny.

Aza mitaraina tana-miepaka.

Miantso andoharano, manao izay tsy hifandrenesana.

Aza hadino ny zaton-kaja fanome sy ny fitia fitondra ho an-dreny.

Ny tenin'ny mpisampina tsy inoan'ny mpisikina ; ny tenin'ny mpijery tsy inoan'ny mpanao ; ary ny tenin'ny kamo tsy inoan'ny mazoto.

Faly raha tonga ny rano fanàla ny kenda, raha malahelo ka misy mpanony, raha lavo ka misy mpanarina.

Aza manao kitapo amelana lolom-po na hadivory asiana ny fitaka.

Vatokely antsisin-dalana,tsy miandry anao hitodika fa miantso anao hitandrina famindra.

Mitsanga-kamiratra tahaka ny lahinjiro.

Aza manao rano-trambo, be fiavy fa vetivety dia lefy.

Atodin'androngo anaty fasika, raha tsy lenan'ny orana main'ny tanin'andro.

Izay tia voninahitra manary fihavanana, izay tia havana mahazo harena.

Aza manao variraiventy maniho ariary.

Manehi-drano : arakaraka an-tàgnana ; manehim-pagnahy : fagnahy zahana.

Ny tapia tsy miakatr'Imerina ; ny amberivatry tsy midin'Imamo.